Sveti Mikula tvrdo spi,
K njemu anjel doleti.
„Stani gore, Mikula,
Pa ti hodi va goru,
Pa odsici jelvicu, 5
Pa ju stroji na troje,
Pa načini barčicu.
Od jednoga timunac,
Od drugoga barčicu,
Od tretoga jarboli.“ 10
Misli misli Mikula,
Kako ć' barka k moru doć.
Barka je šla po kopnu,
Kako da bi po moru,
Pak napuni do sto duš. – 15
Anjel njemu govori:
„Na jarbolu j' huda stvar.“
Huda stvar mu govori:
„Ako san ja huda stvar,
Ja san od vas trih jedan. –“ 20
„Kad si ti nas trih jedan,
Daj nan reci oče naš.“
Oče naša neume.
Kad bi rekal oče naš,
Tako reče barilaš. – 25
„Sada reci Marija.“
Za Mariju baš nezna.
Kad bi rekal Marija,
Tako reče žarija. -
Popane ju Mikula, 30
Popade ju za kosi,
Pa ju hiti va more.
Kud huda stvar hodila,
Živi oganj goraše.
Kuda išla barčica, 35
Blagoslov ostajaše.
Narodne pripovietke i pjesme iz hrvatskoga primorja, pribilježio in čakavštinom Fran Mikuličić, u Kraljevici, Slovi primorske tiskare, a troškom piščevim, 1876., str. 147-148.
