Na poju je carjena bandira.
pod bandiru šara postejica,
na posteji mlad Pere počiva,
a uza nj je neve blida lica.
Divere je umiljeno pita: 5
»Če si tako, neve, blida lica?«
»»Ne pitaj me če sam bleda lica,
neg me pitaj kako jesan živa,
pokle jesan za tvojin brajenom,
ne znam mlada di su mu kamare, 10
ni kamare ni meke ležanke,
ner ča su mi drugi povidali,
da u Vneci tance vojevaše,
desnoj ruci devojku peljaše!««
