Budi majka svog sina Ivana,
njega budi, 'vako mu govori:
„Ustaj, ustaj, moj Ivane sine,
juba ti je prošla mimo dvore,
ona ide na vodu studenu!" 5
Kad je Ive majku razumija,
on je majci tiho govorija:
„O starice, moja mila majko,
osedlaj mi moje mile konje,
osedlaj ji slebron i biseron 10
i zauzdaj uzdon pozlaćenon."
Dok je majka konje osedlala,
u ten se je Ive uresio
i on ide na vodu studenu.
Kad na vodi, on Maru nahodi, 15
ma na vodi Mare je zaspala.
On se stane smišjat i razmišjat,
oli će je od sna probuditi,
oli će jon licc objubiti,
pa on vadi od zlata jabuku, 20
pa je meće Mari u njidarca.
Kad se Mare iz sna probudila,
ona vadi iz nidra jabuku
pa se stane smišjat i razmišjat:
„Otkuda mi u nidri jabuka, 25
a da rečen da mi je od Boga,
ovog dara ja nisan dostojna,
a da rečen da mi je od Iva,
moj je Ive od mene daleko,
da je bio, bi bi me probudi, 30
oli baren jedan put pojubi!"
