Aršićeva ljuba
(Dobrinjska)
Otkad se je Carigrad sagradil
Ni takove robe zarobio,
Kad zarobi trideset divojak
I med njimi Aršića Stipana.
Arsić lipši nego sve divojke! 5
Aršić grede od ruke do ruke,
Dok zapade u careve ruke;
Car ga dade veziru svojemu,
A vezir s njim va crne tamnice.
Nutri stenje devet godin dana. 10
Stenje junak i žalosno piva:
Da s’ ne čudi svojoj staroj majci,
Neg se čudi vernoj ljubci svojoj,
Ka ga ne će na otkupu dati,
Na otkupu tri stotine groši. 15
Misli junak, da se ga ne čuje,
Al ga čuje ptica lastavica,
Te sproleti ptica lahki krili,
Te sproleti ljubi Aršićevoj.
Aršićeva ljuba dvore pometala, 20
Dvore pometala, v nebu zagledala,
Zagledala pticu lastavicu:
„Aj bora ti, ptico lastavico,
Ča se kriliš oko dvora moga,
Al’ mi nosiš od Aršića glasi?“ 25
Odgovara ptica Iastavica:
„Tužni junak u tamnici piva,
Da s’ ne čudi staroj majki svojoj,
Neg se čudi vernoj ljubci svojoj,
Ka ga ne će na otkupe dati, 30
Na otkupe tri stotine groši.“
„Aj bora ti mila majko moja,
Začula sarn od Aršića glasi,
Da mi junak u tamnici piva
Da s’ ne čudi svojoj staroj majki, 35
Neg se čudi vernoj ljubci svojoj,
Ka ga ne će na otkupe dati,
Na otkupe tri stotine groši.
Aj bora ti, mila svekrvice,
Svekrvice kot mila majčice, 40
Aršića sam napol spozabila,
Tebe ne ću nikad nikadare.
Aj bora vam, mila svekrvice,
Svekrvice, kot mila majčiće,
Sedlajte mi Aršićeva konja, 45
I dajte mi kapu belim perjem,
I dajte mi zelenu dolamu,
I dajte mi najbolju sabljicu.“
„„Aj bora ti, mila nevestice,
Nevestice, kot mila hćerčice, 50
Pokrij konja svilum do kolena,
Samu sebe do črne zemljice.""
Sad gre jašuć preko ravna polja.
Gleda care s visoka prozora
Te zamrmlje care gospodine: 55
„Slugi moje i delije moje,
Pogledajte v ono ravno polje,
Jeli ono s prahom zaprašeno,
Al je ono s maglom zamagleno.
Pojte tamo v’ ono polje ravno, 60
Ka je ono neznana delija!"
Šli su oni v’ ono polje ravno.
„Aj ti bora neznana delijo!
Poslal nas je care gospodine,
Da te jutro na rakiju zove." 65
„Recite vi caru gospodinu,
Da ne pijem takove rakije,
Neg da ga ja na mejdan zaziv!jem.“
Kad je care riči razumio,
Nije caru oko već zažmalo, 70
Komać beli danak dočekalo.
Jutrom gredu v’ ono ravno polje,
Gredu letnjem danu do poldana.
„Aj ti bora, care gospodine,
Daj pogledaj v’ ono sunce žarko, 75
Kadi j’ bilo i sada kadi je!“
Car pogleda, v’ sunce se zagleda.
Mahne sabljom i odseče glavu.
Ter ju nosi presvetloj carici.
„Aj bora ti, presvetla carice, 80
Evo ti je tvoga cara glava.
Sada daj mi od tamice ključe,
Da slobodim Aršića Stipana
I družinu, ku si zarobila,
A ti kušni vranca va kopito. 85
Ako ne ćeš to mi učiniti,
I tebi ću glavu rastaviti.“
Kad carici druge nije bilo;
Dala mu je od tamnice ključe
I mu kušne vranca va kopito. 90
Sad gre jašuć pred črnu tamnicu
I zavikne za glasa visoka:
„Bež’te, bež’te, neki k miloj majki,
Drugi tec’ te ka svojoj ljubovci,
A ti k meni, Aršiću Stipane!“ 95
Od mila ga suze oblivale,
Te ga uzme uza se na konje.
Gredu jašuć preko ravna polja,
Pak prozbori neznana delija:
„Aj bora ti, Aršiću Stipane, 100
Bil ti poznal vrana konja svoga?“
„„Da ga vidim, ja bi ga poznao.""
Bil ti poznal svoju kapu s perjem?“
„„Da ju vidim, ja bih ju poznao““
„Bil ti poznal svoju ljubu vernu?“ 105
„„Da ju vidim, ja bih ju poznao.““
Zmakne sablju neznana delija
Plasne njega po pleću junačkom.
Jako maše, milo udaraše!
„Mi smo dragi jedinoga roda! 110
S ljubcom jašeš, ti ju ne poznaješ!
Konja jašeš, ti ga ne poznaješ!“ —
Iz Poljaninove zbirke.
Датотека:Murat Sipan vinjeta.jpg
