Ati, divojko šegljiva,
zapni putašca do grla,
da ti se dojke ne vide,
da mene želja ne bude.
Na tvoje dojke gledajuć, 5
vranoga konja zakovah
i moje družbe ja ostah
i mojega gospodina.
A ti, divojko šegljiva,
vazmi vidarce na glavu, 10
a vidričicu na ruku,
ter mi dva pojmo na vodu,
kroz te mi luge zelene,
na one hladne studence!«
Oni jidoše na vodu, 15
kroz te mi luge zelene,
na one hladne studence.
Kada dojdoše na vodu,
na one hladne studence,
još mi govori divojka: 20
»Hod’mo si mi dva pospati,
za te mi luge zelene!«
Kliče mi reče junak mlad:
»Mi ti smo oba mlajahna
i mi smo oba lujahna, 25
mi ćemo zoru zaspati,
i nas će majka karati."
Kliče mi reče divojka:
»Ja jimam slavja u njadrih,
ti jimaš svoga slavića, 30
ki će nas rano buditi,
ne ćemo zoru zaspati,
ni će nas majka karati.«
Oni jidoše pospati,
za te mi luge zelene; 35
sfu su se noćcu jigrali,
a pak su zoru zaspali.
Karala jih je majčica:
»Ča ste toliko činili,
za te mi luge zelene?« 40
