Kaada se Pavle ženjaše,
gospodu svate kupljaše,
i lipu Anu nevistu.
Ane mu lipo zafalia:
»Lipa ti fala, divere, 5
ne morem ja ti na pir poć,
već ću ti poslat sestricu,
lipšu i višu od mene.«
Sestra j’ sestricu splitala,
splitajuć ju je svitala: 10
»Aj moja Mande sestrice,
kada mi dojdeš prid kolo,
tiho se kolu pokloni,
i ne fataj se kod Pavla,
ni kod Pavlova brajana, 15
jere je Pavle hudoban,
i Ivan njegov brajanak.«
Sestra sestrice ne sluša,
već kada dojde prid kolo,
plaho se kolu pokloni, 20
ona se fata kod Pavla,
i kod Pavlova brajana.
Govori joj knez Pavle:
»Ki bi mi glasi donio,
da j' moja ljubi umrla, 25
ja bi ga lipo daroval
vranim konjićem spod sebe
i britkom sabljom od bedre.«
Još Pavle u riči bijaše,
ali mu glasi dojdohu, 30
da mu je ljubi umrla.
»Ne igraj kolo oholo,
ne svirte svirci glasnito,
Pavlova j’ ljubi umrla.«
A govori njin knez Pavle 35
»Igraj mi kolo oholo,
i svirte svirci glasnito,
ako je ona umrla,
ovo je druga kod mene,
lipša i viša od one.« 40
