Mlada Ana rano uranila,
nabirati cviće oko grada,
a najviše cvita ljubidraga,
ljubidraga kitu je savila,
pa je šalje Petru vireniku. 5
»A moj Petre, o moj vireniče,
evo tebi kita ljubidraga,
pak je nosi, Petre, za klobukon,
sve po hladu, ne po žarkom suncu,
da ti ne bi kita uvenula!« 10
Kad se Petar kite dobavija,
un je nosi po žarkom sunajcu,
što je višje nosi po sunajcu,
to mu kita grede zelenija.
Kad je Petra ugljedala majka: 15
»A moj Petre, drago dite moje,
okle tebi kita ljubidraga?«
»»O starice moja majko draga,
ovo mi je virenica dala,
ako li je tvome srcu draga, 20
ona ne će zimovat kod majke!««
»Neka, Petre, tebi srića bila!«
»»A ti dugo živa, moja majko!««
