Parti se Labinjan do Plomina grada,
Da vidi, ča čini Plominkinja mlada,
Ko je ona lipa, da ne gre s Plomina,
Dokle ne obljubi dobre majke sina,
Mlada Pierina; Piero mi je mlad, 5
Kako i vinuka, obraz mu procvita,
Kako i rožica. Ni lepše rožice,
Nego j’ vijolica. Vijolice moja,
Ča si povenula. Procvati, žilju[1] moj,
Kad ja prot tebi gren, za rožu otrgat, 10
Ku ljupci pronesen za prihodnju moju,
Za spominje moje, prihodnice moja.
