Zašto je lijepa

Извор: Викизворник


Zašto je lijepa

(Lovranska.)

Tičica pisana visoko zletela,
Ča j’ više zletela, to j’ šire zgledala;
Ona j’ nadletala on mutni Dunaj;
Na mutnem Dunaje košuta se pere,
Za njom mi Ive mlad stupom postuplje. 5
„Ne postupljuj, Ive mlad, za manom košuton,
Aš san ja, košuta, uboga sirota.“
„Ako si košuta, uboga sirota,
Ale si, košuto, galanta života.““
„Mala hvala tebi, Ive, miad junače, 10
Da san ja košuta, galanta sirota,
Hvala majki mojoj, da mi ga j’ gojila:
Rano me j’ klala spat, kasno me j’ stajala,
Kada me j’ stajala, lepo me j’ obukla,
Kada me j’ obukla, ručat mi je dala, 15
Kada san ručala, lepše me j’ obukla,
Kada me j’ obukla, k maše me j’ poslala,
Kad san od maše prišla, obedvat mi j'dala
Kad san poobedvala, još lepše me j’obukla’
Kad me je obukla, na tanac me j’ poslala, 20
Kad san s tanca prišla, južinat mi j' dala,
Kad san pojužinala, na šet me j’ poslala,
Kad san iz šeta prišla, večerat mi j’ dala,
Kad san večerala, Boga san molila,
Kad san odmolila, spat me je poslala. 25

Isti

Датотека:Murat Sipan vinjeta.jpg



Референце[уреди]

Извор[уреди]

Istarske narodne pjesme, izdala "Istarska književna zadruga", [Opatija], 1924., str. 77-78.