Puntarski mornari

Извор: Викизворник


Puntarski mornari

(Iz Punta na otoku Krku.)

Pisati ću knjigu
Tamo u Istoku,
Pak ću ju poslati
Zapadu široku.
Tamo se nahodi 5
Jedna lipa stela,
Ovi grad se zove
Venecija bela.
On mi je sagrađen
Na moru na vodi, 10
On mi je pohvaljen
Od Boga, od ljudi.
Pod njim su kladani
Pali od lantića,
Oni su postavni 15
Bog zna koga vika!
Pod njim su štivane
Škrile od mramora,
Po tih mi se šeće
Bnetačka gospoda. 20
Ime njima jesu
Mladi mornarići,
Svi od Punta grada
Na izber mladići.
I med njima da je 25
Mladi Ive Orlić,
Jur ga svaki znate,
Hrabrena mladića.
Volel bi se mladi
Po Puntu šetati, 30
Leh u Beneci gradu,
Baškote hrstati.
Volel bi se mladi
Pod Puntom voziti,
Leh u Bneci gradu 35
Gospodom hoditi!

Isti.

Датотека:Murat Sipan vinjeta.jpg



Референце[уреди]

Извор[уреди]

Istarske narodne pjesme, izdala "Istarska književna zadruga", [Opatija], 1924., str. 100.