Lipa je sestra Lijana
poli mladega Ivana.
Posla ju prosit Lamuš kralj.
Majka ju daje tr daje,
bratac ju ne da tr ne da. 5
Bratac joj z ravna polja gre,
sestra ga zduga zagleda:
»Ča si mi bratac, zlovoljan?«
»»Moram ti biti zlovoljan,
ač si se liipa rodila 10
još si se liiplja zgojila.««
»Muči, pomuči, brajne moj,
ja san ti mlada šegava:
kroji mi svite junačke,
zdjelaj mi viitku sabljicu, 15
speljaj mi konja deštroga
i pred njim slugu vernoga,
pak ti ga jašen za goru,
za goru, selo pod vodu.«
Kod je Lijana spod vode, 20
tut Lamuš kralj je spod vode:
»Bože pomozi Lamuš kralj!«
»»Bog mi te sprimi, cesar mlad,
je l’ tud okolo divojak?««
»Nij tud okolo divojak, 25
neg kod mladoga Ivana,
lipa je sestra Lijana,
sprojašimo im na dvore.«
Lijana skoči iz konja
i vrže kose preko pleć, 30
otkrije prsa, tr reče:
»Pogledaj sade, Lamuš kralj,
je li ti ovo cesar mlad,
ali ti ovo divojka,
divojka mlada Lijana?« 35
»»Nije meni za grada dva,
ni mi je za dvanajst palač,
nego da mene divojke
šegavo sad spronašaju.««
