Sinoć smojin ja besidin dragin,
A jutros ga ni vidila nisan;
Uzmen vidro i na vodu pojden,
Na vodici moga draga najden,
Dobru san mu pomoć nazivala: 5
„Dobra pomoć i milo i drago!
„A on meni odgovara dragoj:
„Nit san dragi nit me zovi dragin,
„Jer te mrazi i otac i majka,
„Još te mrazu do dvi sele tvoje, 10
„Još te mrazu do tri pobratima!
„Prvi vele da si sanjivica,
„Drugi vele: nejubjena roda,
„Treći vele: juta kako zmija."
„„Koji veli da san sanjivica, 15
„„Ne usnuo noći prez nemoći!
„„Koji veli: nejubjena roda.
„„Nejubija od srca poroda!
„„Koji veli: juta kako zmija,
„„Zmija mu se oko srca svila ! — 20
„„Na srcu mu lito litovala,
„„A na jusnan zimu zimovala!""
