Sunce nama z dolum gre
K noći se pripravlja,
Junak i divojka
Po vodu se spravlja.
Ki mi prvi dojde, 5
Jedan drugog čeka.
Prvo pride mlad junak
Neg mlada divojka.
Prišla mi je divojka
Sva je j’ oplakana. 10
„Ča ti je, divojka,
Da si j’ oplakana?“
„Ja sam ti se plakala,
I ti ćeš se plakati,
Da su naše majke 15
Skupa zgovarale,
Da smo mi dva, mlađahni,
Najprva parenta’.“
„„Pojmo mi, divojko,
V goru Jasenovu! 20
Mi ćemo storiti
Jedan veli oganj,
I mi ćemo, mlađahni,
U njega skočiti,
Volit nego jedan 25
Drugoga pustiti."“
Stj. Žiža, br. 93. Od Don L. Kirca.
Svuda dobro poznata. Ima više inačica.
