Iden crnu goru,
Ke shaja bili dan;
Utaknen divojku,
Va ku bih namuran.
A ja san joj rekal: 5
„Kamo greš, divojko,
Tako rano z grada?
Ča ši še ti švoju
Majku pošvadila,
Ali ši še švojin 10
Dragin rašrdila?"
„„Nišan še ja š moju
Majku pošvadila,
Niti šan še švojin
Dragin rašrdila; 15
Leh šan ja usila
Tanku kosuljicu.
Majka bi ju rada,
Da bi bratu dala;
Ja bin mlada rada, 20
Da bi ljubu momu.
Tri j' noći bil š manun,
Tri dara mi dal.
Onu prvu noćcu,
Ku jon š manun bil, 25
On mi je daroval
Ta njegov švilni paš.
Onu drugu noćcu,
Ku j' on š manun bil,
On mi je daroval 30
Tri sto zlatnih dukat.
Onu tretu noćcu,
Ku j' on š mapun bil,
On mi je daroval
Pršten crnin okon, 35
Pršten crnin okon,
Na ken je dijamant.
Zato ga je otac
Po šven švitu prognal,
Da re on po švitu 40
Ko cela po cviću.
Od grada do grada,
Kako širotica;
Od kuće do kuće
Kako petljarica. 45
A ja iden mlada
Na najvišu goru
Za viditi draga
Di jadri po moru...""
Ona mu ubliči 50
Plavčicu jedreću
I ona privrne
Ruke do lakata,
Pa počme mahati
Mornaron giždavin: 55
„„Mornarići moji,
Mornarići dragi!
Vožte nami vanka,
Da vaš ja zapitan
Za draga mojega; 60
Al šte ga videli
Al š njin govoreli. -""
„„Po bretačkih rivah
Na bale igraše,
Na bale igraše 65
Na noge hitaše.“"
„„Ja vi mu recite,
Da šan ga cekala
Leto i jedan dan.
Još da ću ga cekat 70
Misec i jedan dan.
Ako l' ga nebude,
Poći oču mlada
Moštir koludrice.
S bilama nogama 75
Moštir šprohajati;
S bilama rukama
Harte prebirati;
S crnima okama
Slova sagljedati; 80
S rusama kosama
Žvoni potezati.“
Narodne pripovietke i pjesme iz hrvatskoga primorja, pribilježio in čakavštinom Fran Mikuličić, u Kraljevici, Slovi primorske tiskare, a troškom piščevim, 1876., str. 159-162.
