Junak i divojka
Po vodu se spravlja.
Oni meju sobom
Pati učiniše,
Da ki prvo pride, 5
Da drugoga čeka.
Prišel prvo junak,
Neg mlada divojka.
Prišla je divojka,
Sva je oplakana. 10
„Ča ti je, divojko?
Ča si se plakala?"
„„Ja sam se plakala,
I ti s’ plakat hoćeš.
Naše su se majke 15
Skupa zgovarale,
Da smo mi dva mlada
Najbližnja rodjaka,
Najbližnja rodjaka —
Pravi bratučedi.““ 20
„Ne plači, divojko,
Ne plači se za to,
Sveti otec papa
Hoće nas rešiti;
Sveta mati crikva 25
Hoće dopustiti.“
