Цара Стефана Законь

Извор: Викизворник
Иди на навигацију Иди на претрагу

БЛАГОЧЬСТИВАГО И ВѢРНАГО И ХРИСТОЛЮБИВАГО МАКЕДОНСКАГО

ЦАРА СТЕФАНА ЗАКОНЬ

ПОСТАВЛЕНЬНИ ВЬ ЛѢТО ҂ѕѿнз ИНДИКТІОНА ·в҃· ВЬ ПРАЗНИКЬ ВЬЗНЕСЕНІА ГОСПОДНꙖ МѢСЕЦА МАꙖ ·к҃а҃· ДЬНЬ.

Сіи-же законь поставлꙗемь оть праведьнаго сьбора нашего, сь прѣосвѣштеныимь патріархомь Іоаникіемь и вьсѣмы арьхіереи и црьковникы, малимы и великыми, и мною, благовѣрнымь царемь Стефаномь, и вьсѣми властели царства ми, малими же и великыми, закономь же симь сложеніа быше прави сѹдь.


ГЛАВА ·а҃· О ХРИСТІАНЬСТВѢ.
Наипрьво за христіаньство. Сіим-зіи образомь да се очисти христіаньство.

ГЛАВА ·в҃· О ЖЕНИТВѢ.
Властѣле и прочи люди да се не жене, не благословивьше се ѹ своего арьхіереа, али ѹ техь-зіи да се благослове, кои сѹ избрали дѹховникы арьхіереи.

ГЛАВА ·г҃· О СВАДЬБѢ.
И ниедина свадьба да се не ѹчины безь вѣньчаніа: ако ли се ѹчины бесь благословеніа и ѹпрошеніа црькве, таковы да се разлѹче.

ГЛАВА ·д҃· О ДꙊХОВНОМЬ ЗАКОНѢ.
И за дѹховны дльгь вьсакь чловѣкь да има повиновѣніе и послѹшаніе кь своемѹ арьхіерею: ако ли се кто обрѣте сьгрѣшивь црькви, или прѣстѹпивь что любо оть сіега законика воломь или нехотѣніемь, да се повине и исправи се црькви: ако ли прѣчюѥ и ѹдрьжи се оть црькви, и не вьсхоште исправити повелѣніа црькви, по томь да се отлѹчи оть црькви.

ГЛАВА ·е҃· О ПРОКЛЕТИ ХРИСТІАНЬСКОМЬ.
И светителіе да не проклинаю христіань за сьгрѣшеніе дѹховно: нь да пошлѥ двашти или тришти кь ономѹ-зіи да га обличи: да ако не чюѥ и ѹсхокіе исправити се заповѣдию дѹховною, по томь да отлѹчи се.

ГЛАВА ·ѕ҃· О ѤРЕСИ ЛАТИНЬСКОИ.
И за ѥресь латиньскѹю: што се сѹ обратили христіане вь азімство: да се вьзврате опеть вь христіаньство: ако ли се кто обрѣте прѣчювь и не вьзвеативь се вь христіаньство, да се каже како пише ѹ законѹ светыхь отьць.

ГЛАВА ·з҃· О ѤРЕСИ ЛАТИНЬСКОИ.
И да постави црькви велика протопопѣ по вьсѣхь градовѣхь и трьговѣхь да вьзврате христіане оть ѥреси латиньске, кои се сѹ обратили вь вѣрѹ латиньскѹ: и да имь дадѹ заповѣдь дѹховнѹ: и да се вьсакы врати вь христіаньство.

ГЛАВА ·и҃· О ЛАТИНЬСКОМЬ ПОПѢ.
И попь латиньскы, ако се нагѥ обративь христіанина вь вѣрѹ латиньскѹ, да се каже по законѹ светыхь отьць.

ГЛАВА ·ѳ҃· О ПОЛОУВѢРЬЦИ.
И ако се нагѥ полѹвѣрьць ѹзьмь христіаницѹ: ако ѹзлюби, да се крьсти ѹ христіаньство: ако ли се не крьсти, да мѹ се ѹзмѣ жена и дѣца: и да имь даа дѣль оть кѹкѥ: а онь да се иждене.

ГЛАВА ·і҃· О ѤРЕТИЗЕ.
И кто се нагѥ ѥретигь живѣ ѹ христіанѣхь: да се жеже по образѹ и да се прожене: кто ли га име таити, и ть-зы да се жеже.

ГЛАВА ·а҃і҃· О СВЕТИТЕЛѤХЬ ДОУХОВНИЦѢХЬ.
И светителѥ да поставе дѹховникы по вьсѣхь иноріахь ихь, по градовѣхь и по селѣхь: и ти-зи дѹховници да сѹ кои сѹ благословени оть светителꙗ и дѹховно везати и рѣшити, и да ихь слѹша вьсакы по законѹ црьковномѹ: и они-зи дѹховници, коихь нѣсѹ поставили светителѥ, да се ижденѹ: да ихь вѣдевьса црьква по законѹ.

ГЛАВА ·в҃і҃· О ДОУХОВНОМЬ ДЛЬГОУ - О СОУДѢ КОЗМИКЬ.
И дѹховномѹ дльгѹ козмици да не сѹдѣ: кто ли се нагѥ оть козмикь сѹдивь црьковномѹ дльгѹ, да плати ·т҃· перьперь: нь тькьмо црьковь да сѹди грѣхови чловѣкомь.

ГЛАВА ·г҃і҃· О СОУДОУ МИТРОПОЛИТЬСКОМЬ.
И митрополитіе и епископіе и игѹмени по митѹ да се не поставѣ, и оть сьда кто се нагѥ поставивь по митѹ или митрополита, или епископа, или игѹмена, да ѥсть проклеть и анаѳема да бѹде, и ако се нагѥ кои любо по митѹ поставь, да изврьжета се оба оть сана, и постави и онь-зіи кои га ѥ поставиль.

ГЛАВА ·д҃і҃· О ПОСТАВЛѤНІИ ИГОУМЕНА.
Игѹмены да се не поставлꙗю безь дела оть црькве: игѹмени по манастирѣхь да се ставѣ добри чловѣци, кои кѥ црьковь стожити домь божи.