Nini, nani, ni ga doma,
U poju je, ružu bere,
I nabere konistricu,
I od druge polovicu,
Pa je nosi pri' krajicu; 5
Krajica se daron brine
Što ću njemu dara dati,
Kako jubav prikazati?
Daruj momu konja vranjca,
I na konja divičicu 10
Ka od zlata jabučicu;
I na njojzi kaničicu
Ka od zlata jabučicu;
Kad se moje meso budi,
Neka najde zabavicu: 15
Vranjca konja, divičicu,
I na njojzi kaničicu,
Ka od zlata jabučicu.
Voli' bi ga raspasati,
Vengo s krajen večerati! 20
