Mlada se divojka rano jutro stala,
rano jutro stala, glatko počesala.
Jona mi je vzela vedro jokovano,
jona mi je tekla pod visoku goru,
pod visoku goru i po ladnu vodu 5
i po ladnu vodu svemu vranu konju.
Jondi mi je našla svega vrana konja:
»Hoj, moj vranić konjić, kaj ti tuto delaš,
kaj ti tuto delaš, gde je pak tvoj gazda?«
»»Moj gazda, otišel vu ravne gonce, 10
vu ravne gorice po črleno vince,
kaj ga pili bomo, gda se ženil bode,
gda se ženil bode, tebe jemal bode.««
»Da bi za to znala, da bi ga dopala,
hoj, moj vranić konjić, ja bi tebi dala 15
ja bi tebi dala z krivca zob zobati!
Ja bi tebi dala z nader šence jesti,
ja bi tebi dala grive reščesati,
ja bi tebi dala grive nanizati,
ja bi tebe dala srebrom potkovati!« 20
